Benigno Albeniz 'Iruntxiberri'k, 'Gordiak neuzkanak' erakusketa jarriko du Biterin, eta gaurtik aurrera ikusgai izango dute herritarrek. Gainera, gaur bertan izango da erakusketaren irekiera, arratsaldeko 18:00etan, Biterin.
Benigno Albeniz artisaua eta eskultorea da, eta 50garren hamarkada inguruan etorri zen Hernanira bizitzera. Familia osatu zuen, eta lanean ari zen bitartean, uztarriak egiten hasi zen. Modu honetara, denborarekin, uztarriek dituzten forma itxien baitan, forma geometriko, abstraktu zein figuratiboak sortu zituen. Gero eskulturara egin zuen jauzi, eta bide honetatik sortutako obrek, joera abstraktua eta figuratiboa izan zuten: alderantzizko sustrai itxurako obrak, basoak eta zuhaitzak.
Gaurtik urriaren 7ra arte, beraz, Biterin ikusgai egongo dira Iruntxiberriren obretan, animaliak eta zuhaitzak.