Herri gosariarekin hasi zuten eguna atzo Lizeagako auzotarrek, txokolatea eta txurroak jan zituzten, jaien bigarren egunari hasiera emateko. Eguerdian, buruhaundiak atera ziren Gautxori txarangarekin batera, eta 12:00etan, omenaldia egin zieten Lizeagako auzotarrek, Sandiusterriko adinekoei. Omenaldia amaituta, 14:30etan elkartu ziren denak, bazkari eder baten bueltan, eta segidan, auzoko txikiek, barraketan doan ibiltzeko parada izan zuten. 17:00etan, bingoan jokatu zuten auzotarrek, eta 19:00etan, aerorumbarekin gorputzak dantzan jarri zituzten. Gauean ekintza gehiagotan hartu zuten parte herritarrek, eta auskalo noiz arte iraun zuen festak.
Gaurkoan, berriz, goizeko 11:30etan, tortillak eramateko ordu muga jarri dute auzoen arteko sukaldaritza txapelketan parte hartu nahi duenarentzat. 12:00etan hasiko da lehiaketa, eta segidan, sagardoaz dastatzeko aukera paregabea izango dute, musika lagun dutela. Sagardo dastaketan, edalontziak 2 euroko prezioa du eta pintxoak, berriz, euro bat. Ordu berean jokatuko dira toka eta bote txapelketak. Arratsalderako, berriz, urtero moduan, mus txapelketa antolatu dute Lizeaga tabernan, eta 20:00etan emango zaie amaiera, Lizeaga auzoko jaiei.
LIZEAGAKO JAIAK HERNANI GAUR
12:00 Auzoen arteko 12:30 Sagardo dastaketa eta trikitilariak. 12:30 Toka eta bote 16:00 Mus Txapelketa Lizeaga tarbernan. 20:00 Jaien bukaera.
*OHARRAK: |