Pello Errota Bertsolari Sariketako bigarren kanporaketa jokatuko dute gaur, Ikaztegietako ostatuan. Eñaut Martikorena hernaniarrak abestuko du bertan, eta kantukide izango ditu Jexux Mari Irazu, Maialen Akizu, Maddi Ane Txoperena, June Aiestaran eta Eki Mateorena. Gai jartzailea, berriz, Imanol Artola 'Felix' izango da.
Gaurko afalostean honako ariketa hauek osatu beharko dituzte sei bertsolariek: zortziko haundian ofizioka; zortziko txikian ofizioka; hiru puntu erantzun; koplatan, denbora emanda, ofizio bat; eta bina bertso ganbarako lanean.
Puntuazio onena lortzen duten bi bertsolariek abestuko dute urriaren 20an jokatuko den finalean. Lehenengo kanporaketatik Unai Mendizabalek eta Iñaki Gurrutxagak lortu zuten txartela.