Helduentzako irteera antolatu du Mendiriz Mendik, igande honetarako. Aralar Itzuliaren (GR-20 ibilbidea) beste etapa bat osatuko dute oraingoan, Iribastik abiatu eta Amezketan bukatuta. Goizeko 08:00etan abiatuko dira Atsegindegitik, autobusean; eta 23 kilometroko ibilbidea osatuko dute oinez. Joan nahi duenak, bulegotik (Iturregi plaza) pasa behar du astelehenean edo ostegunean, 20:00etatik 21:00etara. 15 euro dira bazkideentzat, eta 20 euro gainerakoentzat. Norberak eraman beharko du bazkaria.