Bolo-bolo zebilen kontua atzo arratsaldean: dozenaka zikoina agertu ziren Hernaniko Kaxkoan. Udaletxea, eliza edota Goiz Eguzki egoitza hartu zuten geraleku, eta haiei begira txundituta geratu ziren herritar asko.
Aurretik, Hernani eta Urnieta arteko errotondaren inguruan egonak ziren zikoinak, eta badira batzuk bertako faroletan pausatuta, oraindik ere. Eta hori baino lehenago, Osiñaga auzoan eman zuten egun bat, bertako auzotarrek jakinarazi dutenez.