Indartsu hasiko du ikasturte berria Goiz Eguzkik, ekintza ugarirekin; eta horietan, izena emateko azkeneko egunak dira. Horrela, batetik, datorren astelehenera arte apuntatu daiteke Tuterara eta Bardeetara egingo duten irteeran. Irailaren 28an izango da hori. Plazak baino lagun gehiagok ematen badute izena, zozketa egingo dute.
Eta bestetik, irailaren 20an bukatuko da epea, kurtso honetako ikastaroetan izena emateko. Gustu guztietarako ikastaroak daude aukeran: gimnasia, erlaxazio ariketak, hartubola, martxa nordikoa, puntua eta gantxilloa, irakurketa partekatua, musika hautemateko saioak, oinarrizko informatika, frantsesa, zunba... Urrian hasiko dira ikastaro horiek guztiak.