Traineru denboraldia bukatu berritan, 2023-2024 denboraldiko entrenamendu saioei ekingo die Hernaniko Arraun Elkarteak. Gaur arratsaldean hasiko dira lanean klubeko harrobiko talde gehienak: haur eta kadete mailetakoak (2008-2011 urteen artean jaiotakoak) 17:00etan; eta jubenil eta senior mailetakoak (2007 edo lehenagokoak) 17:30etan. Alebinek (2012-2013), berriz, ostiralerako daukate hitzordua, arratsaldeko 17:00etan haiek ere.
Arraun Elkartetik gogorarazi dute, gainera, ateak zabalik dauzkatela arraunean hasi nahi duten gazte guztientzat. Eta informazio gehiago eskuratu nahi duenak, mezua idatzi dezake hernani.arrauna@gmail.com helbide elektronikora.