Ikasturte berriari hasiera emateko, eta baratzeko lanen hariak etenik izan ez dezan, bisita egingo du Furgobaratzak bihar arratsaldean, Hernaniko Baratze Parkera. Eta ohi bezala, bertaratuen zalantzak argitzeaz gainera, doako ikastaro bat ere eskainiko dute. Oraingoan, haziak eta hazitegiak izango dituzte hizpide, 18:00etan hasi eta 19:30ak arte.
Ikastaro horretan, landuko dute nola lortu ditzakegun haziak, baratzean dauzkagun barazkietatik; eta ondoren, horiek hazitegian nola zaindu ikasteko aukera izango da. Doakoa eta irekia da saioa, parte hartu nahi duten herritar guztientzat.