Ate irekien saioa antolatu du Hernaniko Gimnastika Kirol Klubak, irailaren 22rako. Kiroldegian egingo dute, arratsaldeko 18:00etatik 19:00etara; eta 2017an edo lehenago jaiotakoek hartu dezakete parte. Bertan, gimnasia probatzeko eta taldea ezagutzeko aukera izango dute bertaratuek, denboraldi berriari begira.
Zentzu horretan, klubean izena emateko epea ere zabalik dago. Irailaren bukaerara arte izango da horretarako aukera, hernanigimnasia.com webgunean. Informazio gehiago eskatzeko edota zalantzak argitzeko, hernanigimnastika@gmail.com helbidera idatzi daiteke, edo 722 82 09 07 telefonora deitu.