Gaur hasiko da Donostiako Boga Boga musika festibala. Donostiako eta inguruko zenbait txokotan kontzertuak eskainiko dituzte musikari ezagunek, eta Chillida Leku museoa izango da kokalekuetako bat.
Hiru kontzerturekin gozatzeko aukera izango da bertan. Bihar izango dira guztiak, arratsaldeko 20:00etan hasita. Kontzertua eskaintzen lehenengoa Verde Prato izango da. Iluntzeko 21:00etan Anarik hartuko du lekukoa. Eta, azkenik, gaueko 22:15etan Julieta Venegas arituko da Chillida Lekun. Museoko ateak arratsaldeko 19:00etan irekiko dituzte.
Kontzertuetako sarrera eskuratu nahi dutenek https://www.wegow.com/es/festivales/museo-chillida-leku estekan erosteko aukera dute.