Gaur arratsaldean lehertuko da jaien hasierako suziria Zikuñaga auzoan. Arratsaldeko 18:00etan abiatuko dira festak, eta igandera arte ekintzaz jositako egitarauak girotuko du ingurua.
Gaur bertan buruhaundiak eta dultzaineroak aterako dira suziria bota ondoren; gero Ostomila txotxongilo taldearen ikuskizunaz gozatzeko aukera izango dute auzotarrek, txokolatea dastatzen duten bitartean; eta gaua girotzearen ardura Laiotz taldearena izango da. 23:00etan hasiko da dantzaldia.