Zuzenean margotzen ariko da Axpi, Donostian

Kronika - Erredakzioa 2023ko ira. 6a, 00:00

Bale arrantzarekin zerikusia duen lan bat egingo du.

Euskal Itsas Museoko tinak margotuko dituzte hiru ilustratzailek, eta tartean izango da Ainara Azpiazu 'Axpi' ilustratzaile hernaniarra.

Asteburu honetan ospatuko dute Donostian, Boga Boga Festibala, eta honen baitan, Ondarretan zuzenean ariko da lanean Ainara Azpiazu 'Axpi' ilustratzaile hernaniarra. Axpirekin batera, Debra Espinosa eta Elena Mostoenvena artistak ere ariko dira, eta hiruen eginkizuna izango da museoko tinak ilustratzea, Kontxako Banderaren estropadetan oinarrituta. Eta Axpik  aitortu du bere proposamenak bale arrantzarekin duela zerikusia. 

Sorkuntza prozesuak, beraz, asteburuan zehar izango dira ikusgai, Ondarretako lorategian, goizeko 10:00etatik arratsaldeko 18:00etara bitartean. Eta horrez gain, familiek beste tina bat margotzeko aukera ere izango dute igandean, eguerdiko 12:00etatik 14:00etara bitartean eta arratsaldeko 16:00etatik 18:00etara bitartean.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!