Bizikidetzaren aldeko herritar ekimenak ekitaldi publikoa antolatu du gaurko. Hernanin izandako elkarrizketa prozesu konpontzaileari buruz jardungo dute, Biterin, arratsaldeko 18:30etan hasita.
Bizikidetzaren aldeko herritar ekimenak prozesuaren nondik norakoak ere azaldu ditu: «Iragan urtean, ibilbide pertsonal eta ideologiko anitzeko Hernaniko hamabi herritarrez osaturiko elkarrizketa prozesu konpontzaile bat burutu zen. Prozesu honen xedea gatazkak eta indarkeriak gure herriko bizikidetzan izandako eraginez elkarrizketa bideratzea zen».
Horregatik, orain, esperientzia horren berri emateko, herritar orori zuzenduriko ekitaldia antolatu dute, eta bertan, elkarrizketan parte hartu duten herritarrak eta bideratzailea izango direla ere ohartarazi dute.
Bizikidetzaren aldeko herritar ekimena izan da antolatzailea, Hernaniko Udaleko Bizikidetza mahaiaren laguntzarekin.