Arrakastatsua izan zen Burrunba Hernaniko gazte euskaltzale taldeak antolatutako azken udako kontzertua. Eguraldi txarrari aurre eginez, giro ederra sortu zuten Erroka taldeko kideek, eta jende ugari bildu zen Atsegindegin.
Erroka elektrofolk taldearen azken kontzertua izan zen ostiralekoa, eta saio berezia prestatuta oholtzaratu ziren; jada ohikoak dituzten fruta eta guzti.
Kontzertuaz gain, zozketa ere egin zuten Burrunbako kideek, eta Jaione Aranburuk irabazi zuen Kuian gosaltzeko txartela eta Errokaren diska.
Ekintza gehiago antolatzea da Burrunbaren asmoa
Udako Kontzertuen arrakasta ikusita, jarduerak eta ekintzak antolatzen jarraituko dute Burrunbako kideek. Guzti horien berri taldearen sare sozialen bidez emango dute.