Urtero bezala aurten ere, udarari amaiera emateko egun pasa antolatu du Osiñagako Auzo Elkarteak. Bidaia irailaren 17an, igandean, izango da. Portugaletera.
Goizeko 09:00etan Loiditik edo Bordaberritik irtengo dira. Hamaiketakoa, bidean egingo dute. Ondoren, Bizkaiko ezker aldeko Portugalete hirira joango dira. Ezker aldean dagoen hiri honetan ibai ertzean dagoen Alameda, nahiz zubi famatua dira ezagunak. Ezagutzeko eta disfrutatzeko aukera izango dute.
Bizkaiko meategi historikoen gunean, Zugaztietan (La Arboledan) bazkalduko dute. Autobusa Auzo Elkartearen kontura da. Bazkaria norberak ordaintzen du.
Bidaira joateko asmoa duzutenok lehen bait lehen Auzo elkarteko komisioko edozeinekin kontaktuan jarri behar du. Izena emateko azken eguna irailaren 13an izango da eta Amaiari deitu behar zaio 649 49 39 20 telefono zenbakira.