Latsunbeberri-Mariletsueko jaiak gaur hasi eta igandera arte iraungo dute. Suziri jaurtiketarekin hasiko dira arratsaldeko 18:30etan eta segidan ipuin kontaketa izango da. 19:30etan Jenny Perlazak auzoa dantzan jarriko du, balio anitzeko pistan, aerorumba saioarekin eta segidan sardin-jate herrikoia izango da, dantzan utzi diren indarrak berreskuratzeko.
Eguna ordu txikiak arte luzatuko da Mikeltxiren musikarekin, 21:30etatik 02:00etara.
Latsunbeko 9garren pelota txapelketa
Festetan indarra hartu duen ekitaldia da Latsunbeko Pelota Txapelketa. Aurten bederatzigarren edizioa beteko du programazioaren barruan kokatzen den txapelketak. CD Hernanik antolatzen du eta bihar klubeko 16 pelotarik hartuko dute parte.
Partiduak bihar, 11:00etatik aurrera hasiko dira. Latsunbeko pelotalekuan jokatuko dira eta euria eginez gero, kiroldegiko frontoian.
Eskuz binaka alebinetan: Haitz Labaka eta Adei Esteban, Ekhi Lopez eta Aimar Nietoren aurka arituko dira lehenengo finalerdian eta Inhar Arregi eta Ekai Bergara, Xuban Miranda eta Ohian Makatzagaren aurka bigarren finalerdian.
Eskuz binaka infantiletan honakoak dira finalerdiak: Asier Iglesias-Aratz Labaka, Ekhi Galdos-Eneko Oiagaren aurka eta Maialen Esnal-Araitz Legarreta, Xuhar Hernandez-Hegoi Zabalaren aurka.
LATSUNBEBERRI-
MARIELUTSEKO JAIAK
IRAILAK 1, ostirala
18:30, Suziriaren jaurtiketa, jaiei hasiera emateko
18:30-19:30, Ipuin kontaketa
19:30-20:30, Aerorumba saioa, Jenny Perlazaren eskutik.
20:30, Sardin-jate herrikoia, balio anitzeko pistan
21:30-02:00, Musika Mikeltxiren eskutik, balio anitzeko pistako oholtzan.