Hernani Errotzenek erakusketa, bisita gidatuak eta historia ikastaroa antolatu ditu abuztu amaierarako eta irailerako. Erakusketa Hernaniko Biteri kultur etxean izango da ikusgai: abuztuaren 28tik irailaren 15era, goizez (09:00-14:00) eta arratsaldez (16:30-20:00).
Erakusketa 14 panel edo hormairudiz osatua dago. Internet bidez ere ikus daiteke https://nabarralde.eus/habitaterakusketa/ web orrialdean.
Bisita gidatua egiteko aukera ere eskaintzen du programa honek modu presentzialean edota internetez, QR sistemaren bidez. Bisita gidatuak denak euskeraz eta presentzialak dira. Aurreikusitako egun eta orduak: irailaren 5ean, asteartea, goizeko 10:00etatik 11:30etara; irailaren 7an, osteguna, arratsaldeko 18:00etatik 19:30etara; irailaren 13an, asteazkena, goizeko 10:00etatik 11:30etara.
Aurtengo uztailean egiterik izan ez zen Historia ikastaroa irailean egingo dute: irailaren 11tik 14ra egunero eta euskeraz, 18:30etatik 20:30etara. Izenematea e-mailez egin behar da, izen abizenak jarrita herriaerrotzen@gmail.com helbidean eta irailaren 8ra arte eman daiteke izena. Ikastaroa Biterin izango da. Matrikula eta materialaren ordainketa 20 euro dira.