Josetxo Oyarzabal Erro hernaniarra hil zen atzo, 72 urterekin. Real Sociedad futbol taldeko jokalaria izan zen Oyarzabal, hiru denboralditan, 1971tik 1974ra. 1971ko irailaren 5ean egin zuen debuta, Bartzelonaren kontra; eta 85 partidu jokatu zituen talde txuri-urdinarekin, baita lau gol sartu ere. Oyarzabalen azkeneko denboraldian, Reala bere historian aurrenekoz sailkatu zen Europako lehiaketa bat jokatzeko, ligan laugarren bukatuta.