Oso hitzaldi berezia antolatu du Hernaniko Eskubaloi Taldeak, bihar goizerako, Biteri kultur etxean: Jordi Ribera egongo da bertan, gizonezkoen Espainiako selekzioaren hautatzailea; eta Partiduaren noranzkoa: B plana izeneko hitzaldia eskainiko du, 11:30etan hasita. Doakoa izango da saioa, baina izena eman behar da aldez aurretik. Horretarako, formularioa bete behar da, helbide honetan: labur.eus/ITLeY.
Eskubaloi entrenatzaile gisa 39 urte daramazki Riberak. Bost talde eta hiru selekzio zuzendu ditu, eta duela zazpi urtetik da Espainiako hautatzaile.