Oso partidu garrantzitsua jokatuko dute Imanol Ansa urnietarrak eta Javier Urriza iruindarrak, gaur arratsaldeko 16:30etan, Galarretan. Buruz Buruko Txapelketaren ligaxkako bigarrena izango dute, eta garaipena behar dute biek, aurreneko jardunaldian porrota jaso ondoren. Ia hil ala bizikoa da, bereziki, Urrizaren kasuan: 23-30 galdu zuen Aritz Juanenearekin, eta punturik gabe dago sailkapenean. Ansak, berriz, bi puntu dauzka, Endika Barrenetxea hernaniarrarekin 27-30 galdu ondoren.
Hain juxtu, etzi jokatuko dute beraien bigarren partidua bi irabazleek, larunbatean 18:00etan. Ligaxkako aurreneko postua izango dute jokoan haiek, finalera pase zuzena lortzeko. Irabazten duenak, pauso haundia emango du horretarako, azkeneko jardunaldiaren faltan.