Hernanik esperantza haundiak zituen atzoko estropadan, baina gauzak ez ziren irten nahi bezala. Maialen traineruko neskak zazpigarren sailkatu ziren Pasaiako Banderan. Portugaleteko ontzia bakarrik utzi zuten atzean eta Ondarru, seigarren sailkatua, zazpi segundu aurretik geratu zen.
Erlojuz kontrako estropada zen eta bi luze egin behar izan zituzten ETE Ligako zortzi traineruek. Estropadaren erdia itsaso zabalean zen eta beste erdia Pasaiako badiaren barruan.
Lehenengo ziabogan, Ondarruren aldea lau segundukoa zen eta atzetik zetozen traineru denek hobeto zituzten denborak aldearekin. Itzulerakoan ez ziren gauzak asko aldatu eta bere horretan geratu ziren.
Beste behin Kaikuk irabazi zuen estropada eta salkapenean Zumaiarekiko aldea bi puntutan zabaldu du eta orain bosteko aldea dago. Hernani zazpigarrena da 23 punturekin, Ondarrurengandik zazpi puntura.