Iker Aduriz hernaniarrak Recoletos Burgos taldean jokatuko du datorren denboraldian. Lehenengo lerroko jokalariak 22 urte ditu eta azken urteetan Iparraldean izan da jokatzen. Azken denboraldian Donibane Lohitzunen aritu da, 1,87 metro neurtzen du eta 120 kiloko pisua du. Espainiako selekzioak formazio mailan lortutako arrakastetan protagonista izan da.
Burgos, pasa den denboraldian, azpitxapeldun izan zen Errege Kopan eta Ligan. VRAC Quesosen atzetik amaitu zuen. Orain azken saltotxoa eman nahi dute eta tituluren bat lortu. Bide horretan sinatu dute aurrelari hernaniarra.