Ekainean Hernaniko parke guztien azterketa egin zuen Hernaniko Udalak, eta azterketatik eratorritako ondorioak kontuan hartuta, berrikuntzak egin dituzte zenbait auzotako inguruetan. Aldaketa haundienak Elizatxo eta Zikuñaga auzoetako haur parkeetan egin dituzte: «Bietan zorua erabat berritu da, egungo segurtasun araudiekin bat egiteko. Horretaz gain, jolasak ere berritu dira», azaldu dute.
Bi eskuhartze horiez gain, beste zenbait moldaketa ere egin dituzte tarte honetan. Pintaketa lanak egin dituzte Sorgintxuloko, Epeleko, Portuko eta Bidebietako plazetan; eta konponketak egin dituzte Portuko, Kiroldegiko eta Atsegindegiko parkeetako lurzoruetan.