Urrezko domina lortu berri du Iñigo Llopis hernaniarrak Igeriketa Egokituko Munduko Txapelketan. 100 metro bizkarreko proban irabazi du Llopisek, 1:05,32 denborarekin. Lasterketa sekulakoa izan zen, emozioa azken unera arte mantendu zen, eta azken luze bikain batekin gailendu zen. Bere Espainiako errekorra segundu batean hobetu zuen.
Urrezko domina janzteaz gain, sari potoloa lortu du Llopisek Manchesterren: Paralinpiar Jokoetarako sailkapena. Munduko Txapelketa irabazita Parisen lehiatuko da hernaniarra 2024an. Igerilariak badaki zer den halako ekitaldi haundi batean lehiatzea; izan ere, zilarrezko domina eskuratu zuen Tokioko Paralinpiar Jokoetan.