Ostiralean eman zitzaion hasiera Jai Alai Zarauz Erremonte Txapelketari, eta gaur jokatuko dira A taldeko eta B taldeko finalak, Aritzabatalde frontoian.
Txapelketak hasiera ederra izan zuen ostiralean, ikusle eta joko aldetik arrakasta haundiarekin. B Torneoko lehen finalerdian Zaldua anaiek 1-2 irabazi zieten Goikoetxea eta Apezetxeari; eta A taldeko bigarren finalerdian Urrizak eta Juaneneak 2-0 irabazi zieten Segurola eta Azpirozi.
B multzoan, lehen setean Zaldua anaiek 11-15 irabazi zuten. Bigarren seta, ordea, gorria izan zen. Apezetxea partidan sartu zen eta bederatzi tanto eginda eta Goikoetxearen akatsik gabe 15-8 nagusitu ziren. Set erabakigarrian Zaldua II.a besteen gainetik nabarmendu zen lau tantorekin.
A taldean, Urrizak eta Juaneneak 2-0 irabazi zuten. Lehen setean 15-7 egin zuten eta bigarren setean ere garaipena lortu zuten. Beraz, gaur finalean ariko dira atzoko irabazleen aurka Zaldua anaiak B taldean; eta Urriza eta Juanenea A taldean.
Arratsaldeko 18:00etan izango dira finalak Aritzabatalde frontoian. Sarrerak leihatilan 5 euroko prezioa izango dute eta Zarauzko Turismo Bulegoan gonbidapenak eskuragarri izango dira.