Arrakastatsua izan zen Burrunba Hernaniko Gazte Euskaltzaleen Taldeak antolatutako lehenengo Udako Kontzertua. Nahia Valle abeslari hernaniarra izan zen protagonista, eta ordubete inguruan Goiz Eguzkira bertaratutakoen belarriak goxatu zituen. Gonbidatu berezi batzuekin elkarlanean osatu zuen kontzertua Vallek, eta txalo zaparrada haundia jaso zuen amaieran.
Bitartean taldeak hartuko du lekukoa
Burrunbaren Udako Kontzertuen zikloak jarraipena izango du datorren ostegunean, abuztuaren 3an, Goiz Eguzkin bertan. Oraingoan Hernaniko Bitartean folk taldeak hartuko du Nahia Valleren lekukoa, arratsaldeko 19:30etatik aurrera. Kontzertu gehiago ere antolatu ditu Burrunbak, beraz, aurrerago iragarriko ditu Kronikak.