Gaur arratsalderako kontzertu akustikoa antolatu du Burrunba Gazte Euskaltzaleen taldeak. Goiz Eguzkin izango da kontzertua, arratsaldeko 19:30etan hasita; eta Nahia Valle hernaniarra izango da abeslaria. Pintxopotea egongo dela aditzera eman du Burrunbak, eta jakinarazi du kontzertua doakoa dela; horregatik herritarrei bertaratzeko deia luzatu diete: «animatu gaurko kontzertura, giro ederra izango dugu!».