Datorren astelehenean ospatuko dute San Inazio jaia Santa Barbaran eta urtero moduan, bazkari bat ere antolatu dute eguerdirako. Bertaratu nahi duenak, beraz, bihar arte izango du apuntatzeko aukera ondorengo telefonora deituta: 676 558 696. Elutxetan izango da bazkaria, eguerdiko 14:30etan, eta ondorengo menuaz gozatzeko aukera izango du eserlekua erreserbatzen duenak: fritoak, bakaillu tortilla, entsalada, kostila, gazte, intxaurrak eta kafea.
Urteroko ohiturei eutsiko zaie, izan ere, goizean ermitara igoko dira herritarrak, eta urtero moduan ez dute hutsik egingo lore eskaintzak, omenaldiak eta mezak. Era berean, aurten pintxoak eta edariak igoko dituzte Santa Barbarara, eta noski, eguerdian herri kirolek hartuko dute protagonismoa, bertsoek lagunduta.