Datorren astelehenean ospatuko da Santa Barbarako San Inazio festa, uztaila agurtu eta abuztuari ongi etorria emateko aitzakia hartuta. Goizetik arratsaldera bitartera antolatu dituzte ekintzak Hernaniko Udalak eta Morkaiko taldeak, Elutxeta Sagardotegiaren laguntzarekin.
Betiko hitzordua izango da goizekoa, Santa Barbara ermitara igoko dira herritarrak, eta lore eskaintza egin ostean, 11:45ak inguruan izango da omenaldia. Aurten gainera, antolatzaileek aditzera eman dute pintxoak eta edariak eskainiko dituztela, Santa Barbarako igoera konpentsatzeko.
Mezaren ostean, herri kirolek hartuko dute lekukoa, urtero moduan, Santa Barbarako plazatxoan. Bertsorik ez da faltako, izan ere, Aitor Mendiluze eta Jexux Mari Irazu arituko dira kantuan, eta segidan Elutxetan bilduko dira denak bazkari baten bueltan. Bazkarirako aldez aurretik erreserbatzea beharrezkoa dela jakinarazi dute antolatzaileek. Ondorengo telefonora deituta egin daiteke erreserba 676 558 696 , eta horretarako aukera 28ra arte egongo da. Bazkalostean bertsolariek eta trikitilariek, hartuko dute lekukoa jaiari jarraipena eta amaiera emateko.
SAN INAZIOHERNANIUZTAILAK 31 11:00, Trikitilariak. Elaia Diaz eta Eider Garro 11:30, Lore eskaintza 11:45, Omenaldia 12:00, Meza 13:00, Herri kirolak: Kimez Attola, Oihana Fernandez De Barrena, Aiert Paolla, Andoni Anatx, Igoin Pikabea, Malen Barrenetxea, Iraitz Arruti eta Andoni Saizar. Jarraian, bertso saioa, Aitor Mendiluzerekin eta Jexux Mari Irazurekin. 14:30 Herri bazkaria Elutxetan Enkargatzeko 676 558 696 Amaitzeko, bertsolariak eta trikitilariak. |