Egun berezia izan zen igandekoa Kaxkoko bizilagunentzat. Festa giroa nagusitu zen ekitaldi guztietan, eta Maitere Goñik ondo gordeta dauka dagoeneko alkate makila. Gainontzeko omenduak Marijo Sainz Puente (Ilargi arropa denda); Mitxelo Armenteros Prieto (Pitxitxulo denda) eta txistulari taldeko Patxi Apezetxea Agirre, Ruth Martin Apecechea, Jesús Mari Gutiérrez Mitxelena, Garbiñe Tijero Azkue, Ramón Iriarte Otamendi, Eva Igarriz Izeta eta Joseba San Sebastián Gorostidi izan ziren.
Horiez gain, ekitaldi publikotik kanpo, Segundo Alejos ere omendu zuten. Palentziako herri txiki batetik Hernanira etorri zen umetan, eta lan haundia egin du herriko ekimenetan; kirol munduan eta Axeri Dantzan, besteak beste.