Hondarribiko Udalean lorezaintza zerbitzua eskaintzen du Elai enpresak. Bertako 8 langilek 68 egun daramatzate greban, hitzarmen propioa lortzeko borrokan. Gatazka luzerako doala adierazi dute greban dauden langileek, eta hori salatzeko, zenbait kolektiboren babesarekin, manifestazioa antolatu dute. Goizeko 11:00etan izango da, Karabelgo gasolindegitik Akarregi poligonoan enpresak duen egoitzara: «Bat egin langileon borrokarekin, amai dezagun diru publikoarekin aberasten ari diren enpresa pribatuekin!».