Gaur goizerako bigarren eskuko azoka antolatu du Amher Sos Arrazakeria elkarteak, Kulturarteko Plaza Feminista eta Iturola artean dagoen plazatxoan. Goizeko 10:30etan irekiko dute azoka, eta hiru orduz izango dute herritarrek postuz postu ibiltzeko aukera. Bigarren eskuko azoka hau doakoa dela jakinarazi du Amherrek eta gerturatzeko deia egin die herritarrei: «Azoka txikia izango da, bertan eskuragai izango dituzue arropa eta oinetakoak, besteak beste; beraz, animatu eta etorri bigarren eskuko azokara».