Ilargik kontzertua Zikuñagan, gaur

Kultur Bira ekimenaren baitan, uztailerako hiru emanaldi antolatu dituzte. Horietako bat gaur izango da, arratsaldeko 20:00etan Zikuñagako ermitan. Ilargi Arrizabalaga abeslari eta musikaria izango da protagonista, eta indie, pop eta pop-rock estiloak jorratzen ditu. Ilunabarreko giro ederraz gozatzeko parada izango dute herritarrek. Gaurkoaz gain, datorren astean bi emanaldi izango dira Kultur Biraren baitan: 20an Ereñotzun, eta 22an Osiñagan, Altzuetan.