Osakidetzako Lehen Arretaren egoera salatzeko, hilaren 15erako elkarretaratzea antolatu dute, Donostiako Amara Berriko Osasun Zentroan, eta Donostialdeko Herri Plataformak, Olatu Txuriakek eta D.O.P.A-k deialdiarekin bat egiteko deia luzatu diete herritarrei, ondorengoa salatuz: «uda honetan, langile gabezia dela eta arretaren kalitatea kaxkartu egin da. Adibidez, Ondarretako Osasun Zentroko arratsaldeetako 8 sendagiletatik 2 aritu dira lanean. Beste kasu batzuetan, berriz, Donostialdeko ospitaletik kanpoko lairrialdi zentroetan, tartean Hernanin, sendagile askoren jardunaldia bete gabe gelditzen da».
Horregatik, elkarretaratzea antolatu dute larunbaterako, eta ondokoa eskatuko dute: «Osakidetzako arduradunei lan taldeak zentro guztietan osa ditzatela eskatzen diegu. Behar dugunean dagozkigun osasun lagileen aurrez aurreko arreta bermatzeko». Amaitzeko, argi oihukatu dute borrokan jarraituko dutela eskatzen dena lortu arte: «kalitatezko osasungintza publikoaren alde ari gara eta arituko gara!»