Joan den astean jokatu zen nazioarte mailan ezaguna den Donosti Cup txapelketa, eta txapelketan parte hartu zuten C.D Hernaniko eta Mundarroko zenbait taldek. Atzoko Kronikan ohorezko infantil mailako neskek txapeldunorde kopa irabazi zutela iragarri genuen, baina beste talde bat ere bada txapeldunorde gelditu zena, Europa Liga multzoan: mutilen ohorezko infantilak. Beraz, mutil gazteek ere, txapeldunordeen kopa ekarri dute Zubipera.
Zortzi partidu jokatu zituzten mutil berdeek joan den astean zehar eta horietatik bost garaipen eraman zituzten etxera. Ondorengoak izan ziren emaitzak: AGJA Cauderan-Hernani (0-3): Academy-Hernani (2-0); Chronis Elite-Hernani (4-0); Hernani-Sanse CD. B (5-0); Colegio Saojoao de Brito-Hernani (0-5); Alginet UD-Hernani(1-5); Hernani-Beasain (3-0); Hernani-LSA Arago (0-3).