Igande honetan ospatuko dira Karmengo jaiak. Hiru urteko etenaldiaren ostean bueltan dira Kaxkoko festak, eta ohiturei eutsiz, bazkaria antolatu dute eguerdirako. Hori horrela, Kaxko Elkarteak jakinarazi du eskuragai daudela bazkariko tiketak Rioja Tabernan, Lamiak konjelatu dendan, Aralar tabernan eta Plaza Berrin ere jarri dute horretarako postutxoa. Bihar izango da tiketa eskuratzeko azken eguna.