Jaialdi ona izan zen astearte arratsaldekoa, esku pelotari hernaniarrentzat, Zikuñaga Papelera Torneoan. Batetik, garaipen argia lortu zuten Xuban Iturbe eta Oier Azpeitia jubenilek, Larraungo Navarroren eta Gaztelekuko Salbadorren kontra (18-1). Eta bestetik, irabazi egin zuen Xabier Salaberriak ere, Pagazpeko Urruzolarekin batera, nagusien mailan: 18-4 menderatu zituzten Beti Onakeko Tirado eta Zugarraldeko Agirre.
Jaialdiko hirugarren partiduan, kadeteetan, Irurtzungo Salaberria anaiek irabazi zuten, Tolosako Perurenaren eta Caminosen kontra (18-10).
Gaur eta bihar, beste hiruna partidu jokatuko dira Zikuñaga Papelera Torneoan; arratsaldeko 18:00etan hasita, Hernaniko kiroldegiko frontoian.
UZTAILAK 5, asteazkena
Jubenilak: Deskarga-Legarreta (Hernani) / Gorostidi-Mujika (Zazpi Iturri)
Nagusiak: Lizaso-Olaiz (Behar Zana-Oiarpe) / Ruiz-Alvarez de Eulate (Txukun Lakua)
Kadeteak: Arretxe-Manex Alberdi (Hernani) / Otazu-Errasti (Aretxabaleta)
UZTAILAK 6, osteguna
Kadeteak: Oses-Otaegi (Hernani-Behar Zana) / Uria-Alonso (Abantzu)
Jubenilak: Manterola-Alegria (Hernani) / Otaegi-Larrañaga (Ilunpe)
Nagusiak: Olasagasti-Alkantara (Behar Zana-Abantzu) / Sasiain-Conde (Abantzu-Eibar)