Iruñean emakume bat erail dutela salatzeko, elkarretaratzeak egingo dituzte gaur arratsaldean, Hernanin eta Astigarragan. 19:00etan izango da, bi kasuetan.
Hernanin, 'Eraso sexistarik ez! ' lemapean, Plaza Berrin jarri du hitzordua Hernaniko Koordinadora Feministak: «Beste emakume bat eraila izan da Iruñean. Matxismoak hiltzen gaitu!», salatu dute. Bertaratzeko deia luzatu diete koordinadora feministako kideek, herritar guztiei.
Astigarragan, berriz, Joseba Barandiaran plazan elkartzeko deia egin du Emakumeon Etxeak, ordu berean, 'Eraso sexistarik ez! Autodefentsa feminista!' lelopean.