Gaur arratsaldean, 18:00etatik aurrera, jokatuko dira V. Papelera Zikuñaga Txapelketako hiru partidu, Hernaniko pelotalekuan. Kadete mailan Etxeberria eta Zelaiaran (Oiarpe), Yabenen eta Zabalaren (Irutzun) aurka arituko dira; jubeniletan Diaz de Gereñuk eta Urdanpilletak (Intza), Gaztañagari eta Berozi (Gazteleku) egin beharko diete aurre; eta nagusietan Urkizuk eta Irazustabarrenak (Hernani-Intxurre), Artetxeren eta Ugalderen (Intza-Oiarpe) aurka jokatuko dute. Bihar arratsaldean beste hiru partidu jokatuko dira Hernaniko pelotalekuan, hauek ere arratsaldeko 18:00etatik aurrera.