San Joanetan hiru lehenengo egunetan jendetza izan da gau eta egun. Kaleak jendez gainezka izan dira, baina gaurtik aurrera festa herrikoiagoak espero dira. Astelehenean, lan eguna izan da, lasaiago ibiliko da jendea Axeri Dantzan eta sokamuturran. Nabarituko da, seguru, gauean giro apalagoa izan dela.
Hala ere, ez da aspertzeko aitzakiarik izango. Egitarauan ez da faltako txarangarik eta helduenentzat Goiz Eguzkin sari banaketa eta luntxa antolatuko dira. Erraldoi eta Buruhaundiak eguerdian irtengo dira eta ondoren Tilosetan, Otempodiz dantza ikuskizuna izango da.
Arratsaldean Maialen Lujanbio, Joanes Illarregi, Eli Pagola eta Iker Ormazabal Tturko bertsolarien txanda izango da Tilosetan eta haurrentzako Txorotxaranga elektrotxaranga estreinatuko da. Erromeria gustukoago dutenak Urbietan dute hitzordua eta beste alternatiba Batukada Feminista izango da txosnetan. Musikak, Gorna +LaMia Mari taldeekin Tilosetan, eta Gatiburekin Plazan, itxiko dute eguna.
Lagunartean, gozatu zuten
Giro ezin hobea izan zen atzo kaleetan. Gozatu zuten hernaniarrek lagunartean.