Eneko Portillo eta Aaron Fernández bikote hernaniarra Gipuzkoako txapeldun izan dira, 19 urtez azpiko hondartza boleian. Finalean beste bikote hernaniar bat gainditu zuten, Jokin González eta Manex Martinek osatutakoa. Finala oso gogorra izan zen bi taldeen artean. Azkenean, Eneko eta Aaron nagusitu ziren Donostiako Zurriola hondartzan.
Larraitz Lujanbio eta Ainhitze Oyarbide ere, azpitxapeldun
Neska hernaniarrak ere bikain aritu ziren. Larraitz Lujanbio eta Ainhitze Oyarbide azpitxapeldun izan ziren Ostadarreko bikotearen aurka finala galdu eta gero. Hemen ere, final estua eta gogorra ikusi zen.
Hondartzako txapelketak egun osoan zehar jokatzen dira kanporaketetan eta beraz, azken partiduetara iristea ez da erraza eta lan haundia eskatzen du.