Faboritoak gailendu ziren larunbatean Tilos 7 Pasa txapelketako finaletan. Lau mailetako finalak jokatu ziren eta lehenengo mailan, berriz ere, Ramos eta Zubimendi nagusitu ziren finalean, Arizmendiri eta Indari, 22-15 irabazita. Nesken mailan, Iratik eta Alaitzek jantzi zuten txapela, Saralegiri eta Tolaretxipiri 22-7 irabazita. Txapelketa herrikoian, Ane Kerejeta eta Iñaki Kerejeta gailendu ziren, 22-14, Mendizabalen eta Artetxeren kontra. Azkenik, bigarren mailako txapelketan Hernández eta Murgiondok tanto batengatik, 22-21, irabazi zuten Zumetaren eta Galarragaren kontra. 19-21 galtzen joan eta gero eman zioten buelta finalari.