Beste urte batez, hutsik egin gabe, modurik berezienean eman zieten ongietorria San Joan jaiei, larunbat gauean Atsegindegin elkartu ziren ehunka herritarrek. Beti bezain goxoa eta koloretsua izan zen Preludio kontzertua, eta hernaniarrak gozarazi zituzten talde ezberdinetako musikariek, dantzariek eta abeslariek, Bitartean musika taldearen partehartze bereziarekin, eta Manolo Sagarna zuzendari ohiari omenaldia eginda. Aurkezle lanetan, estreinakoz aritu ziren Ainhoa Larrañaga eta Markel Oiarzabal.