Ate joka dauzkagu San Joanak, eta ohi bezala, makina bat ekintza izango dira aurretik, jaietarako beroketa gisa. Aurtengoan, oso zabala izango da aurreko egunetako egitaraua, ostiral honetan hasita, jaien bezperara arte.
Denetik izango da, bost egunetan banatuta: xake topaketak, hartubol partiduak, preludio txikia eta nagusia, boxeoa, bola, aurorak, dantza emanaldiak, gimnasia erritmikoko erakustaldia, palankarien proba... Egingo ez dena Azeri Bila lasterketa izango da, 22 edizioren ondoren.
SAN JOAN JAIEN AURREKO EKINTZAK |
|||
EKAINAK 17, larunbata 09:00, Compack plater tiraketako Hernani Sari Nagusia, Hondarribian. Txantxangorri elkarteak antolatuta. 10:00, Emakumezkoen IV. San Joan Torneoa. Hernani Club Rugby Elkarteak antolatuta. 11:00, Hartubol partiduak, kiroldegian: Hernani-Madril. 17:00, Bola jokoa. Hernaniko Bola Txapelketaren lehenengo tiraldia, Ereñotzuko bolatokian. 17:30, 'Sunset in the Park' elektronika emanaldia, Ave Maria parkean. The Nord Tech elkartearen eskutik. 22:30, San Joan jaietako XXVI. Preludioa, Plazan. Euria eginez gero, Atsegindegin.
|
|||
|