Ikasturtea amaitzear dago bailarako eskoletan eta ikastoletan, eta kurtso amaierako jaialdiak egiten hasi dira.
Atzo egin zituzten ospakizun ekitaldiak Aratzen eta Elizatxon, eta giro paregabean gozatu zuten antolatutako ekintza guztiekin, goizean hasi eta arratsaldera arte. Ikasleen dantza emanaldiak, musika, puzgarriak, zozketak eta otorduak izan ziren bi festetan.