Gertu du bukaera Sagardoaren Txapelketak, datorren astelehenean jokatuko dute final haundia, eta ez da bailarako ordezkaririk izango. Urriza-Martirena (Alorrenea) eta Segurola-Juanenea (Bereziartua) bikoteek jokatuko dute finala, eta ostegun honetan hautatuko dute materiala.
Astelehen arratsaldea ez zen ona izan bailarako erremonistentzat. Lehenengo finalaurrekoan 2-0 irabazi zuten Urrizak eta Martirenak, Barrenetxearen eta Goikoetxearen aurka. Lehenengo seta berdindua izan zen, baina bigarrenean 15-2 galdu zuen Oialume Zar bikoteak. Segurolak eta Juaneneak hiru set behar izan zituzten Ezkurra II eta Zubiri kaleratzeko, eta ñabarduretan erabaki zen partidua.