Imanol Ormazabal eta Oier Arsuaga Euskal Jokoetan txapeldunorde geratu dira, Urretxu eta Zumarragako frontoietan asteburuan jokatu zen txapelketan. Gipuzkoa, Bizkaia eta Arabako txapeldunen arteko lehia izan da eta Ormazabalek eta Arsuagak 18-15 galdu zuten Bizkaiaren aurka. 18-3 irabazi zioten Arabari, baina Bizkaiak Arabari 18-5 irabazita, C.D.Hernani taldeko pelotariak txapeldunorde geratu dira.
Ekhi Oses, Talentu finalera
Azpimarratzekoa da, halaber, Ekhi Osesek Gipuzkoako Talentu Txapelketako finalaurrekoetan lortutako garaipena. Landari (Lapke) 18-9 irabazi zion eta finala Azpeitian jokatuko du 15 egun barru.
Trinketean, Iñigo Labakak Euskal Herriko Txapelketako finalerdia galdu zuen, 40-15 Aranbururen (Eple) aurka, eskuz banakako modalitatean.