Udako martxa hartu du Gaztelekuak dagoeneko, ekainerako egitarau potoloa prestatu baitute Gaztelekuko hezitzaileek. Aste honetarako, hiru ekintza daude aurreikusita, hala nola, eskulanak egiteko aukera izango dute gaztetxoek, bihar; 'Campeones' filma ostiralean; eta asteari amaiera emateko Donostiara irteera antolatu dute larunbaterako. Parte hartzeko beharrezkoa da izena ematea 688 823 420 telefonora deituta, edota gaztelekua@hernani.eus helbidera idatzita.
Horrez gain, datorren astetik ekaina amaitu arte ere ekintza mordoez gozatzeko aukera izango dute herriko gazteek, besteak beste, Su Festa! Tilosetan, dardo txapelketa eta uda brunch-a.
Uztailean, udako ekintzak
Ekaina pasata, udako ekintzak prestatu ditu Gaztelekuak, uztailerako. Hori horrela, Gaztelekuak aditzera eman du, udako egitarauko ekintzetan parte hartzeko, aldez aurretik izena eman behar dela, eta horretarako Gaztelekuko izen emate orria (https://labur.eus/Jb6ZB) beteta izatea nahitaezkoa dela: «5 euroko fidantza eskatuko dugu, eta ekintzara etorriz gero, berri itzuliko da dirua» diote. Ekainaren 21era arte dago izena emateko aukera.
GAZTELEKUA
HERNANI
BIHAR
17:30 Eskulanak aukeran
EKAINAK 9
17:30 'Campeones' filma
EKAINAK 10
Donostiara irteera (aldez aurretik izena eman behar da)
EKAINAK 14
17:30 Merienda osasungarria
EKAINAK 16
17:30 Eskulana aukeran
EKAINAK 17
17:30 Sukaldaritza tailerra
EKAINAK 20
17:30 Dardo txapelketa
EKAINAK 26
20:30 'Su festa!'
EKAINAK 29
17:30 Uda brunch-a
EKAINAK 30
Kanpo igerilekura irteera.