Uda aurretik, erakusketa bat eta zenbait ekimen antolatu ditu ekainerako, Kulturarteko Plaza Feministak. Sortutako programazioari datorren astean emango zaio hasiera, 'Angeles de la guarda' argazki erakusketarekin, ekainaren 7an, arratsaldeko 17:00etatik aurrera, Bidez Bidez elkartearen eskutik. Bertan, Peruko emakume migranteen seme-alabei eta haien zaintzaileei euren jatorrizko herrialdean eginiko argazkiak daude.
Datorren ostegunerako, berriz, 'Etxean erditu eta jaio' hitzaldiaz gozatzeko aukera izango dute herritarrek, Magaleren eskutik. Arratsaldeko 17:00etan hasiko da, Kulturarteko Plaza Feministan, eta euskeraz izango da. Eta datorren astebururako, ekainaren 10erako, Parketik Plazara, Amatasunen Topaketa baten bueltan bilduko dira. Ama Feministen Taldeak antolatu du topaketa eta haurren zaintza zerbitzua egongo dela jakinarazi dute. Hala ere, zaintza eskatzeko aukera etzi amaitzen da.
Amaitzeko, Kulturarteko Plaza Feministak nabarmendu du aukera egongo dela hitzorduetarako emakumeentzako aholkularitza juridikoa zerbitzuan, «ekainean eta uztailean zehar».
KULTURARTEKO
PLAZA FEMINISTA
EKAINAK 7
17:00 'Ángeles de la guarda' argazki erakusketaren irekiera. Bidez Bide Elkartearen eskutik. Gaztelaniaz
EKAINAK 8
17:00 Hitzaldia: Etxean erditu eta jaio. Antolatzailea: Magale.
EKAINAK 10
10:30-13:00 Parketik Plazara, Amatasunen Topaketa. Ama Feministen Taldearen eskutik. Haurren zaintza zerbitzua eskatu daiteke.