Bihar goizean jokatuko da, Hernanin, Denontzat Race obstakulo proba. Goizeko 10:30etan abiatuko dira aurreneko partehartzaileak Landaretik, elite mailakoak; eta 10:45etan lasterketa herrikoikoak. 10 kilometroko ibilbidea izango dute aurretik, 30 obstakulorekin. Etxeberriko frontoian izango da helmuga. Izena emateko aukera izango da gaurko 22:00ak arte, rockthesport.com webgunean, 55 euroan.
Probaren seigarren edizioa da aurtengoa, eta oraingoan, gainera, OCR Euskal Herriko Txapelketa ere izango da jokoan.
Landaren jaso beharko dituzte dortsalak partehartzaileek, eta bertan izango dituzte aldagelak, dutxak, komunak eta arropa gordetzeko zerbitzua.